10.03.2017  Електричен столб поставен пред домот на жител на село Бели му прави проблеми. Не може ниту да влегува со автомобил или трактор, ниту да излегува од гаражата.

Бара од надлежните во ЕВН да го дислоцираат електричниот столб за да се овозможи влез и излез до куќата, за што побарал помош и од Месната заедница на селото.

- Пуштил барање до ЕВН за оваа бандера, што му е пред вратата, да се тргне. Неколку пати, дури три пати, и две барања има до Општина Кочани. ЕВН не реагира. Има и секојдневни барања до Месната заедница. Бидејќи никој не реагира, човекот не може да си влезе во влезот, никакво возило да влезе.

Има потреба да влезе трактор, камион, кола. Не може ни кола да си купи бидејќи нема каде да ја остави, треба да стои на улица. Бараме од ЕВН да излезе в пресрет на терен, на човекот, на нашиот жител да му ја тргнат бандерата. Кога почнал да ја гради куќата му е кажано дека ќе ја тргнат, ама до ден-денес тоа не се реализира. До ЕВН има пуштено писмени барања, има и усно, ама викаат само писмено. Од тоа писмено уште нема ништо, рече Даниел Анастасов, претседател на Месната заедница - Бели.

Од ЕВН рекоа дека такви случаи имаат околу 20 годишно и процедурата не е едноставна. Од пријавените на годишно ниво се решаваат едвај 5 случаи, бидејќи останатите не можат да ја платат изведбата што е прилично скапа.

Инаку, електричните столбови се поставувани пред 40-тина години и затоа поместувањето оди тешко, а слични барања до ЕВН пристигнуваат повеќе од урбаните средини, отколку од селата, велат од претпријатието.

Т. Велкова 

©2017 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.