02.10.2017 Чистата и здрава средина за живот е еден од приоритетите за советничката листа на коалицијата предводена од СДСМ.На прес конференцијата што се одржа во центарот на градот, беше речено дека Кочани било еден од најпозитивните еко приемри во државата, а денес на самото дно.
- Градот тоне во ѓубре. Управувањето со отпадот е во криза. Потребен е современ третман на цврстиот отпад. Селекција на отпадот, автомати за амбалажа, рециклирање. Јавни површини за градежен шут и функционална комунална и инспекциска служба. Кочани може економски и паметно да се исчисти.
Хибридните светилки се модел за користење на евтината сончева енергија со која Кочани изобилува. Оние што ги имаше, по кои бевме пилот-општина, се искршени и за жал, не се одржуваат. Ние сме за што повеќе паркови и зеленило: на Локубија, кај Стопанскиот двор на булеварот „Тодосија Паунов“, во населбата Трајново Трло. Зони за пешаци и велосипеди. Замена на азбестните водоводни цевки. Ние сме за искористување на европските пари за чиста и здрава животна срединa, рече Валентина Андонова, листа за советници на Кочани од коалицијата на СДСМ.
Андонова истакна дека правото на чиста животна средина е фундаментално граѓанско право и затоа Општината треба да ги почитува еколошките стандарди и да вложува повеќе финансиски средтва за изготвување и релизаирање проекти за подигање на јавната свест на граѓаните.
Т. Ајтовски
©2017 Текстовите и другите содржини се сопственост на Канал 8 телевизија. Секое нивно целосно или делумно преземање, користење или реемитување е дозволено само со претходна согласност од сопственикот.
ПРОСТА И СТРОГА МАКЕДОНСКА ПЕСНА - 100 г. од раѓањето на Блаже Конески
__ ЗАГАДЕНОСТ НА АМБИЕНТАЛНИОТ ВОЗДУХ __
EAQI - European Air Quality Index е мерка која прави сума на сите измерени вредности од сензорите на државната мерна станица на ул. „Глигор Апостолов - Гочо“ во дворот на СОУ “Љупчо Сантов“. Покажува загаденост според Европската скала за AQI од 0 до 100, при што колку е повисока мерката, толку е позагаден воздухот.
Најчитани статии во последните 30 дена
Најчитани статии по месеци
Најчитани статии по години