26.09.2018 Во реализацијата на програмата за изградба и рекјонструкција на сообраќајната инфраструктура за оваа година, Локалната самоуправа на Кочани го вклучува докомплетирањето на уште три улици во градот. Се работи за делови од улиците “Блаже Поп Арсов“, “Ѓорѓи Пулески“ и “Стамен Манов“.
Според проектната документација, планирано е целосно да се завршат, односно да се доасфалтираат уште околу 800 метри на трите улици.
Притоа, освен асфалтирањето на “Блаже Поп Арсов“ предвидено е да се изградат и потпорни ѕидови во должина од околу 20 метри со што ќе се стабилизира теренот каде што подоцна ќе се изведуваат планираните градежните работи за асфалтирање.
Општина Кочани веќе објави јавен тендер за избор на најповолни понуди од заинтересираните изведувачи на градежните работи.
Вкупната вредност на градежните работи се планира на околу 4 милиони денари. Парите за учиците “Блаже Поп Арсов“ и “Стамен Манов“ се обезбедени од Буџетот на државата, преку програмата за имплементација на Стратегијата и Декадата на Ромите, додека пак средствата за улицата “Ѓорѓи Пулески“ се од Буџетот на Општината со Програмата за изградба и реконструција на улици и локални патишта во 2018 година.
По потпишувањето на договорот со фирмите чии понуди ќе бидат избрани како најповолни, асфалтитрањето на трите улици треба да се реализира во период од 1 до 5 месеци.
Т. Ајтовски