16.10.2018  Учениците од СОУ „Љупчо Сантов“ и СОУ „Методи Митевски - Брицо“ од Делчево и со професорите по географија Ирина Тодорова и Сребрен Ѓорѓиевски, во заедничка соработка и реализирање часови на тема „Синоптиката како дејност во служба на луѓето“ со посета на метеоролошката станица во Виница.

Од таму се вратија и реализираа час во кочанската гимназија.

-На заедничката активност беа објаснети сите метеоролошки елементи. Се вративме тука, во нашата гимназија, и им посакавме добредојде на гостите со еден отворен час за метеоролошките елементи. Јас зборував  за температурата, за релативната влажност, за маглата, за количеството на врнежи, за ветровите а колегата зборуваше за синоптиката и за метеорологијата како наука. Мислам дека дружењето треба да продолжи бидејќи видовме дека и самите ученици се задоволни од средбата и не поканија и ние да бидеме нивни гости, рече Ирина Тодорова, професор по географија во СОУ „Љупчо Сантов“. 

-На овој отворен час имавме можност да се запознаеме со сите оние мерни инструменти кои што се употребуваат за мерење на мерните величини и прогноза на времето за овој регион. Имавме убава презентација од вработените. Им се заблагодаруваме на учениците и вработените во СОУ „Љупчо сантов“ и ги покануваме и тие да бидат наши гости, рече Сребрен Ѓорѓиевски, професор по географија во СОУ „Методи Митевски - Брицо “ Делчево.

Со вакви заеднички дружења учениците и професорите од двете средни училишта ќе продолжат и во иднина со цел реализирање заеднички часови и полесно совладување на наставниот материјал.

Т. Велкова