24.10.2018  Прво место освоија членовите на здружението „Мобилност“ од Кочани на дваесет и четвртото издание на републичкиот квиз натпревар на лицата со телесен инвалидитет на Македонија.

Во организација на Националниот сојуз на лица со телесен инвалидитет на Македонија - „Мобилност“ натпреварот се одржа во село Банско, Струмица.

Во конкуренција од 16 екипи од здруженијата членки на сојузот а по исклучително интересна борба и презентација на знаења од повеќе области првото место го освои екипата на кочанското здружение а кое беше победник и во претходните две години во истиот квиз натпревар.

Од здружението велат дека догодина ќе размислат за подмладување не екипата што учествува во Републичкот квиз на знаења со вклучување на млади талентирани лица кои се членови на здружението.

Квиз натпреварот е во организација на Сојузот на здруженија на телесни инвалиди „Мобилност“ Македонија.

Т. Велкова